Պատմության սկիզբը դրված է․ Նոան հաղթեց Փյունիկին՝ հռչակվելով Հայաստանի չեմպիոն

Fastex Պրեմիեր լիգայի 2024/25 մրցաշրջանի 30-րդ տուրի կենտրոնական խաղում «Նոան» սեփական հարկի տակ 2։1 հաշվով առավելության հասավ «Փյունիկի» նկատմամբ՝ պատմության մեջ առաջին անգամ հռչակվելով Հայաստանի չեմպիոն։

Հանդիպման հաշիվը 16-րդ րոպեին բացեց տանտերերի պաշտպան Հովհաննես Հարությունյանը, իսկ արդեն 5 րոպե անց Ներմին Զոլոտիչը կրկնապատկեց առավելությունը։ «Փյունիկի» միակ գոլը առաջին խաղակեսի հիմնական ժամանակին ավելացված 4-րդ րոպեին խփեց Դանիլ Կուլիկովը։

Ռուի Մոտայի գլխավորած թիմը մրցաշրջանի ավարտից երեք տուր առաջ վաստակած միավորների քանակը հասցրեց 71-ի և դարձավ անհասանելի երկրորդ հորիզոնականում ընթացող «Արարատ-Արմենիայի» համար։ «Փյունիկը» 50 միավորով շարունակում է եզրափակել լավագույն քառյակը։

Armsport