Ստամբուլի երկրաշարժի հետևանքով տուժել է մոտ 240 մարդ

Ստամբուլում երկրաշարժի հետևանքով տուժել է գրեթե 240 մարդ, հիմնականում՝ խուճապի պատճառով ընկնելու հետևանքով։ Այդ մասին հայտարարել է Թուրքիայի առողջապահության նախարար Քեմալ Մեմիշօղլուն։

Ստամբուլում երկրաշարժից հետո մեկ լքված շենք է փլուզվել, ևս 12-ի բնակիչները տարհանվել են՝ որպես նախազգուշական միջոց, տուժածներ չկան, ավելի վաղ հայտնել էին Թուրքիայի ներքին գործերի և քաղաքաշինության նախարարները։ Արձանագրվել է 127 հետցնցում։

«Երկրաշարժի հետևանքով փլուզված շենքերի զոհեր չկան։ Խոսքը միայն ցնցումներից հետո խուճապի մեջ ընկած և բարձրությունից ընկած, կամ խուճապի նոպա ապրած 236 մարդու մասին է, նրանց վիճակը նորմալ է»,-«ՌԻԱ նովոստի»-ի փոխանցմաբ, ճեպազրույցում ասել է Մեմիշօղլուն։