Իրանի գերագույն առաջնորդը մեկնաբանել է Միացյալ Նահանգների հետ բանակցությունները և կոչ արել չկրկնել անցյալի սխալները

Իրանի գերագույն առաջնորդ Ալի Խամենեին, հայտարարասելով, որ Օմանի բանակցությունները արտգործնախարարության տասնյակ խնդիրներից մեկն են, նշել է. «Մենք ոչ չափազանց լավատես ենք, ոչ էլ չափազանց հոռետես այս բանակցությունների առնչությամբ: Իհարկե, մենք բավական հոռետես ենք մյուս կողմի նկատմամբ, բայց լավատես ենք մեր հնարավորությունների նկատմամբ»,- գրում է IRNA-ն:

Նա նշել է նաև, որ այս աշխատանքը վաղ փուլերում լավ է ընթացել։

«Այն սխալը, որը թույլ տվեցինք Գործողությունների համատեղ համապարփակ ծրագրում (ՀԳՀԾ) այստեղ չպետք է կրկնվի, ՀԳՀԾ-ի ժամանակ մենք երկիրը կախման մեջ դրեցինք և ամեն ինչ պայմանավորեցինք բանակցությունների առաջընթացով: Ներդրողը, երբ տեսնում է, որ երկիրը կախված է բանակցություններից, ներդրումներ չի անում։

Երկրի առաջընթացը բոլոր ոլորտներում իր նպատակներին հասնելու հարցում պետք է շարունակվի ավելի արագ տեմպերով և բանակցությունների արդյունքների հետ ոչինչ չի կարելի է կապել։

«Պատժամիջոցների չեղարկումը մեր լիազորությունների մեջ չէ, սակայն պատժամիջոցների չեզոքացումը մեր ազդեցության տակ է, և դրա համար կան բազմաթիվ ուղիներ և ներքին հնարավորություններ, և եթե այդ նպատակին հասնենք, երկիրը պատժամիջոցների համար անխոցելի կդառնա»,-ընդգծել է Խամենեին։