Հայ ակտիվիստները կոչ են արել ԱՄՆ-ին վճռական քայլեր անել՝ պատասխանատվության ենթարկելու Ադրբեջանին

Այս օրերին ԱՄՆ Հայ դատի գործիչները հանդիպումներ են ունենում ԱՄՆ կոնգրեսականների հետ` Ադրբեջանի նկատմամբ պատժամիջոցներ կիրառելու համար։ Նրանք հանդիպել են կոնգրեսական Թոմ Քինի հետ՝ ցեղասպանության համար պատասխանատվության ենթարկելու մեկամսյա արշավ սկսելու համար: 

Ակտիվիստները կոչ են արել ԱՄՆ-ին վճռական քայլեր ձեռնարկել՝ Ադրբեջանին պատասխանատվության ենթարկելու Արցախի 150,000 հայերի էթնիկ զտումների համար, կիրառել Global Magnitsky պատժամիջոցները ռազմական հանցագործությունների համար պատասխանատու ադրբեջանցի պաշտոնյաների նկատմամբ և ուժեղացնել հանրային իրազեկությունը Հայոց ցեղասպանության վերաբերյալ։