Իսրայելը հարվածներ է հասցրել օդանավակայանի և սիրիական բազաների ուղղությամբ

Իսրայելի պաշտպանության բանակը հայտարարել է, որ հարվածներ է հասցրել սիրիական Թադմոր և T4 բազաների ռազմական օբյեկտներին։

«Որոշ ժամանակ առաջ Իսրայելի պաշտպանության ուժերը հարվածներ են հասցրել սիրիական Թադմոր և T4 ռազմակայաններում մնացած ռազմական օբյեկտներին»,- ասվում է բանակի հայտարարության մեջ։

Իսրայելական ռազմական օդանավերը հարվածներ են հասցրել նաև սիրիական Հոմսի շրջանի Պալմիրայի ռազմական օդանավակայանի, Թալիլա արգելոցի և մոտակայքում գտնվող ռազմական հենակետերի ուղղությամբ։

Հարձակումների հետևանքով վիրավորվել է սիրիական բանակի երկու զինծառայող: 

Այս ամենից հետո իսրայելական բանակը հայտարարել է, որ կշարունակի քայլեր ձեռարկել Իսրայելին սպառնացող ցանկացած վտանգ վերացնելու ուղղությամբ: