Ուզում եմ ներողություն խնդրել հայ ժողովրդից, երկրպագուներից․ Ջոն վան’տ Սխիպ

Հայաստանի ֆուտբոլի ազգային հավաքականի գլխավոր մարզիչ Ջոն վան’տ Սխիպը հետխաղյա մամուլի ասուլիսի ժամանակ նշեց, որ առաջին հերթին ուզում է ներողություն խնդրել հայ ժողովրդից, երկրպագուներից։

«Երբ հանդիպումը սկսում ես այդպես, երրորդ րոպեին գոլ ընդունելով, հետո երկրորդը, երրորդը, կորցնելով հաճախ գնդակը, այդպիսին պետք է լինի արդյունքը։ Այսպիսի արդյունքն անընդունելի է։ Գոլերի մեծամասնությունը անհատական սխալների հետևանքով էր»,- ասել է նա։

Հիշեցնենք՝ մարտի 20-ին Հայաստանի հավաքականը սեփական հարկի տակ զիջել էր Վրաստանի հավաքականին։ Խաղն ավարտվել էր 0:3 հաշվով։ Երեկվա հանդիպումն էլ ընթանում էր Վրաստանում և ավարտվեց տանտերերի՝ 6։1 հաշվով հաղթանակով։