Մոսկվան Երևանից տեղեկատվություն է խնդրել Հայաստան ԱՄՆ-ի ռազմատեխնիկա տեղափոխելու մասով. Զախարովա

Մոսկվան Երևանից տեղեկատվություն է խնդրել Հայաստան ռազմական տեխնիկա տեղափոխելու ԱՄՆ մտադրության մասին։ Այդ մասին ասուլիսում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք տեսանք այդ հրապարակումները և անմիջապես հարցում ուղարկեցինք մեր հայ գործընկերներին: Նախնական տվյալներով մեզ տեղեկացրին, որ Վաշինգտոնից նման պաշտոնական հարցումներ չեն ստացվել», -«ՌԻԱ նովոստի»-ի փոխանցմամբ, ասել է նա ճեպազրույցում:

Զախարովայի խոսքով, Եթե ​​տեղեկությունը հաստատվի, ապա դա կդառնա Հարավային եԿովկասում կայունության և անվտանգության ապակայունացնող գործոն և փորձ կոլեկտիվ Արևմուտքի առճակատման սխեմաները տարածաշրջան տեղափոխելու համար։

«Մենք, անշուշտ, հետևելու ենք այս հարցին»,- ընդգծել է Զախարովան։