Ճիշտ կազմակերպելու արդյունքում մեր բանակն ու ժողովուրդը դեռ իր խոսքն ասելու է հայրենիքի պաշտպանության գործում․ Օհանյան

Մենք կարողացանք ժողովրդին տանել այն ուղղությամբ, ինչ ժողովուրդն ինքն է ուզում և ժողովուրդն իր միասնականությամբ Հայաստան-Սփյուռք-Արցախ համառ պայքարի շնորհիվ մենք կարողացանք հասնել հաջողությունների և փորձը ցույց տվեց, որ որտեղ որ մենք միասնական ենք այնտեղ մենք ունենք հաջողություններ, մենք անպարտելի ենք։ Այս մասին Եռաբլուրում ասել է ՀՀ պաշտպանության նախկին նախարար, «Հայաստան» խմբակցության ղեկավար Սեյրան Օհանյանը։

«Հայաստանի ազգակործան, ապիկար իշխանության անփորձ, դավաճանական կառավարման պայմաններում բանակի հրամանատարն ու զինվորն իրենց անձնազոհության շնորհիվ անհրաժեշտության պահին տվել են իրենց մարտը և հասել են հաջողությունների, նույնիսկ այն ժամանակ, երբ Արցախը շրջափակման մեջ էր և շուրջբոլորը թշնամիներ էին, բայց այնուամենայնիվ այն դիրքերում, որտեղ բանակի մարտիկներն էին, նրանք հերոսաբար կռվեցին և հերոսաբար զոհվեցին», - նշել է Օհանյանը։

Մանրամասն՝ տեսանյութում