Շինթույլտվություն են տվել, բայց շինավարտի մասին չեն հոգում, ուզում ենք հանդիպել քաղաքապետին․ ակցիայի մասնակից

«Շենքը 99%-ով պատրաստ է, բայց չգիտենք  խնդիրը ինչումն է, մեր հիմնական նպատակն է հանդիպել քաղաքապետին և ներկայացնել պահանջը, շինթույլտվություն են տվել, բայց շինավարտի մասին չեն հոգում»,- այս մասին  քաղաքապետարանի դիմաց Մամիկոնյանց 42/1 շենքի ապագա բնակիչների կազմակերպված բողոքի ակցիայի ժամանակ ասել է ակցիայի մասնակիցը։

Հիշեցնենք, որ Մամիկոնյանց 42/1 շենքի ապագա բնակիչները բողոքի ակցիա են իրականացրել Երևանի քաղաքապետարանի դիմաց պահանջելով քաղաքապետ Տիգրան Ավինյանին լսել իրենց և լուծում տալ իրենց խնդրին։ Կառուցապատողը դեռ 2022 թվականի նոյեմբերին շենքը պետք է հանձներ, բայց մինչ այս պահը մարդիկ տան տեր չեն դարձել, ավարտական ակտ չկա։ Մեկ տասնյակից ավելի բնակիչներ ակնկալում են, որ իրենց խնդիրը լայն կլուսաբանվի և Տիգրան Ավինյանը կլսի, ապա վերջապես պատասխան կտա գլխավոր հարցին ինչպե՞ս է ստացվում, որ շինթույլտվություն տալիս են, բայց հետո տեր չեն կանգնում ու քաղաքացիներին թողնում են միայնակ։

Մանրամասն՝ տեսանյութում