Կալիֆոռնիայում հրդեհը կարող էր սկսվել ամանորյա հրավառությունների պատճառով

Կալիֆոռնիայում անտառային հրդեհների հետևանքով մահացածների թիվը հասել է 24-ի։ Այս մասին տեղեկանում ենք Լոս Անջելեսի շրջանի դատաբժշկական փորձաքննության բյուրոյից։

Գերատեսչության տվյալներով՝ 16 մարդ մահացել է հյուսիսարևելյան մասում գտնվող Իտոնում բռնկված հրդեհից, 8-ը` արևմտյան մասում գտնվող Փալիսայդ շրջանում բռնկված հրդեհից:

Ամերիկյան լրատվամիջոցները հայտնում են, որ առաջիկա օրերին հրդեհները կշարունակվեն, քանի որ քամու ուժգնացում է կանխատեսվում։

Washigton Post թերթը գրում է, որ հրդեհը կարող էր սկսվել Ամանորի գիշերը հրավառություն օգտագործելու պատճառով։ 

Հիշեցնենք՝ հունվարի 7-ից ԱՄՆ-ում մոլեգնում են ավերիչ հրդեհներ։ Լոս Անջելեսում սկսված անտառային հրդեհները համարվում են նահանգի պատմության մեջ ամենամեծը։ Իշխանությունների տվյալներով՝ հրդեհների ընդհանուր մակերեսը գերազանցել է 16 հազար հեկտարը։ Ավերվել է ավելի քան 12300 շենք, այդ թվում՝ հայտնիների տներ։ Օդերեւութաբանները նշում են, որ չոր ու քամոտ եղանակը հրդեհի արագ տարածման պատճառ է դարձել։