Հրապարակվել են Լոս Անջելեսում բռնկված հրդեհների արբանյակային լուսանկարները

The Washington Post-ը և New York Times-ը հրապարակել են արբանյակային լուսանկարներ, որոնք ցույց են տալիս հրդեհների ավերիչ հետևանքները:

Կալիֆոռնիայում ավելի քան 257 հազար բաժանորդ մոլեգնող հրդեհների պատճառով զրկված են էլեկտրաէներգիայից:

Այս մասին հայտնել է PowerOutage.us մոնիտորինգի ծառայությունը:

Ըստ կանխատեսումների՝ ներկայիս հրդեհները կարող են դառնալ ԱՄՆ պատմության մեջ ամենազանգվածային ու ավերիչ անտառային հրդեհները: ԱՄՆ նորընտիր նախագահ Դոնալդ Թրամփն իրավիճակը «ապոկալիպտիկ» է որակել:

Արագ տարածվող հրդեհը նաև հայաշատ բնակավայրերում է՝ Գլենդեյլ, Բըրբանք, Փասադենա, Սիլմար։

Հրդեհները վնասել են հոլիվուդյան հայտնի մարդկանց տները, այդ թվում՝ Փերիս Հիլթոնի, Բիլլի Քրիսթալի և Մենդի Մուրի։

Ջո Բայդենը չեղարկել է իր ուղևորությունը Հռոմ և Վատիկան Կալիֆորնիայում մոլեգնող անտառային հրդեհների պատճառով։ Այդ այցը պետք է լիներ նրա վերջին արտասահմանյան այցը ԱՄՆ նախագահի պաշտոնում: