Ֆրանսիայում բանտարկյալը պատանդ է վերցրել գաղութի 5 աշխատակցի

Ֆրանսիայի հարավում գտնվող Առլ կոմունայի կենտրոնական բանտում բանտարկյալը պատանդ է վերցրել հինգ մարդու՝ չորսը բուժանձնակազմից և մեկը՝ հսկիչ։ Այս մասին հունվարի 3-ին հայտնել է La Provence թերթը։

Ինչպես նշում է լրատվամիջոցը, հարձակվողը զինված է ինքնաշեն դանակով և սպառնում է վնասել պատանդառվածներին։ Առևանգողը 37-ամյա տղամարդ է, ով 18 տարվա ազատազրկման է դատապարտվել սեռական հանցագործությունների համար։ Բացի այդ, նա հայտնի է նաև ֆրանսիացի իրավապահներին որպես արմատական գաղափարների կողմնակից։

«Սակայն մարդկանց պատանդ վերցնելը ոչ թե իսլամիստական դրդապատճառներ ունի, այլ տղամարդը դժգոհ է, որ իրեն մերժել են տեղափոխել այլ բանտ», - նշում է թերթը։

Այժմ բանտի շրջակայքում կան մի քանի ոստիկանական խմբեր։