2024թ․ մայիսի 27-ի ջրհեղեղի հետևանքները կվերացնեն 2025-ի գարնանը․ Ոսկան Սարգսյան

Լրագրող Ոսկան Սարգսյանը գրում է․

«Տավուշի մարզպետ Հայկ Ղալումյանին տեղեկատվական հարցում եմ ուղարկել՝ մայիսի 27-ի ջրհեղեղից վնասված Դիլիջան-Իջևան ավտոճանապարհի հատվածների նորոգումը ե՞րբ է ավարտվելու։

Մարզպետարանից պատասխանել են․ «Մ-4 միջպետական նշանակության ավտոճանապարհի գետի հեղեղումներից վնասված հատվածների վերականգնման վերաբերյալ հայտնում եմ, որ Գետափ ռեստորանի հատվածում ճանապարհային դեպարտամենտի պատվիրատվությամբ իրականացվում են հենապատի, կամրջի և հողային պաստառի վերականգնման աշխատանքներ, որոնք կավարտվեն մինչև տարեվերջ։

Մյուս հատվածների ուղղությամբ ճանապարհային դեպարտամենտի պատվիրատվությամբ իրականացվում են նախագծային փաստաթղթերի ձեռքբերման աշխատանքներ, որի առկայության պարագայում անմիջապես կիրականացվեն մրցութային գործընթացը և հետևաբար՝ շինարարական աշխատանքները։

Շինարարական աշխատանքները կիրականացվեն 2025 թվականի 1-ին կիսամյակում»։