Թբիլիսիում բողոքի ակցիաներ են սկսվել Կոբախիձեի՝ ԵՄ-ի հետ կապված հայտարարությունից հետո

Վրացի ընդդիմադիրները հինգշաբթի սկսել են հավաքվել Թբիլիսիի տարբեր հատվածներում բողոքի ակցիաների այն բանից հետո, երբ վարչապետ Իրակլի Կոբախիձեն հայտարարել է, որ երկիրը մինչև 2028 թվականը ընդհատում է ԵՄ-ին անդամակցելու շուրջ բանակցությունները, հայտնում են տեղական հեռուստաալիքները:

Ավելի վաղ հայտնել էինք, որ Կոբախիձեն հայտարարել էր, որ իշխանությունները որոշում են կայացրել մինչև 2028 թվականի վերջը օրակարգում չդնել ԵՄ-ի հետ անդամակցության շուրջ բանակցությունների բացման հարցը և չընդունել ԵՄ-ի կողմից բյուջետային դրամաշնորհները:

Իշխանությունների հակառակորդները հինգշաբթի երեկոյան հավաքվում են Թբիլիսիի կենտրոնում գտնվող խորհրդարանի շենքի, ինչպես նաև իշխող «Վրացական երազանք» կուսակցության գրասենյակի առջև: