Ահազանգ. Ֆրանսիականը տարածքներ է ստացել նաև Ագրարայինի գլխավոր մասնաշենքից

Անցած շաբաթ կառավարությունը Ագրարային համալսարանի երկրորդ մասնաշենքը հանձնեց ֆրանսիական համալսարանին: Սակայն որոշման  համաձայն ֆրանսիական համալսարանին համատեղ օգտագործման են տրվում կենտրոնական շքամուտքը, աստիճանավանդակը, վերելակը, մարզադահլիճը, ճաշարանը, մեծ դահլիճը, մեծ դահլիճի նախամուտքը, տանիքը և նկուղը: Ուշադրություն. այս տարածքները գտնվում են ագրարայինի գլխավոր մասնաշենքում:

Ֆրանսիական համալսարանը իբրև թե  խոստացել է վերանորգել այս տարածքները: 

Yerkir.am-ին հայտնի դարձավ, որ մեծ դահլիճի նախամուտքը վերանորոգվել է բոլորովին վերջերս, իսկ մեծ դահլիճը ևս շատ լավ վիճակում է և վերանորոգման կարիք ամենևին չկա:

Ստացվում է, որ զուտ խոստումների հիման վրա դե ֆակտո ագրարայինի գլխավոր մասնաշենքից ահռելի տարածքներ հանձնվել են ֆրանսիական համալսարանին:

Հ.Գ. Լուսանկարում «վերանորոգման ենթակա» նախամուտքն է։