Կառավարությունը որևէ ֆինանսական աջակցություն չի հատկացրել Հայ Առաքելական եկեղեցու ծրագրերին․ Արծվիկ Մինասյան

ԱԺ «Հայաստան» խմբակցության քարտուղար Արծվիկ Մինասյանը ՀՀ ԱԺ մշտական հանձնաժողովների համատեղ նիստում անդրադարձել է «Հայաստանի Հանրապետության և Հայաստանյայց Առաքելական Սուրբ եկեղեցու հարաբերությունների մասին» օրենքի 3 հոդվածներին, որոնցով ՀՀ-ն անմիջականորեն ներգրավում և աջակցություն պետք է ցույց տա եկեղեցուն։ Մինասյանը հարց ուղղեց ՀՀ ֆինանսների նախարար Վահե Հովհաննիսյանին․ «Արդյո՞ք 2023-ին նախատեսված եղել են այս ուղղություններով աջակցության ծրագրեր, և եթե այո ի՞նչ ծավալի։ Ի՞նչ ֆինանասական արդյունքներ՝ ցուցանիշներ ունենք այս պահին»։

Ընդդիմադիր պատգամավորն ընդգծեց, որ օրենքով՝ ՀՀ-ն ի դեմս կառավարթության ստանձնել է պարտավորություններ, որոնք պետք է իրականացնի վարչապետի աշխատակազմը, կամ առնվազն համակարգի այդ աշխատանքները։

Նախարարի պատասխանից նա եզրակացրեց, որ որևիցե հատկացում այդ ուղղությամբ չի եղել։ Նա նաև կարևորեց ՀՀ-ից դուրս գտնվող Հայ Առաքելական Սուրբ եկեղեցու աջակցության ծրագրերը։ 

Մանրամասն՝ տեսանյութում