Այս գործողությունը դիտում ենք՝ ՀՀ տարածքի ապօրինի օտարում․ Կիրանցի 31 բնակիչ ստորագրությամբ հրաժարվել է փոխհատուցումից

Քիչ առաջ Կիրանցի 31 բնակիչներ սեփական ստորագրություններով հայտարարություն են տարածել, ըստ որի՝ վերջիններս հրաժարվում են փոխհատուցումից և ցանկանում են ապրել իրենց հայրենիքում:

«Հայտնում ենք, որ համաձայն չենք այս անօրինական սահմանազատմանը, որի հետևանքով Ադրբեջանին է անցնում ՀՀ-ին պատկանող տարածքներ, Կիրանց գյուղի հողամասեր ու շինություններ։ Կառավարությունը սկսել է փոխհատուցել այս շինությունների դիմաց։ Այս գործողությունը դիտում ենք ՝ ՀՀ տարածքի ապօրինի օտարում, Ադրբեջանին հողի վաճառք։ Սա պետական դավաճանություն է։ Ուստի, ներքոստորագրյալներս՝ ընտանիքի անդամներով հանդերձ, հրաժարվում ենք ցանկացած փոխհատուցումից» ,- հայտնեց Կիրանց գյուղի բնակիչը։

Ավելի մանրամասն՝ տեսանյութում։