Պուտինը Սլովակիայի վարչապետի դեմ մահափորձն հրեշավոր հանցագործություն է որակել

ՌԴ նախագահ Վլադիմիր Պուտինը Սլովակիայի նախագահ Զուզանա Չապուտովային ուղերձ է հղել, որում Սլովակիայի վարչապետ Ռոբերտ Ֆիցոյի դեմ մահափորձն անվանել է հրեշավոր հանցագործություն։

«Հարգելի տիկին նախագահ, վրդովված տեղեկացա Սլովակիայի Հանրապետության կառավարության նախագահ Ռոբերտ Ֆիցոյի դեմ մահափորձի մասին։ Այս հրեշավոր հանցագործությունը չի կարող արդարացվել: Ես Ռոբերտ Ֆիցոյին ճանաչում եմ որպես խիզախ և ուժեղ կամքի տեր մարդ»,- ասված է Կրեմլի կայքում հրապարակված ՌԴ նախագահի ուղերձում։

Վլադիմիր Պուտինը շուտափույթ և ամբողջական ապաքինման մաղթանքներ հայտնելով, միաժամանակ հույս է հայտնել, որ վերոնշայլ հատկանիշներն այս դժվարին իրավիճակում  Սլովակիայի վարչապետին կօգնեն դիմակայել։