Տագնապալի օրերում ենք և մենք ստանձնել ենք ճշմարտության ճանապարհի խաչը․ Բագրատ Սրբազան

«Մենք տագնապալի օրերում ենք ապրում, երբ ամբողջությամբ լծված ենք պայքարելու ճշմարտության համար: Այլ բան չկա այնտեղ, քան՝ խաչված լինել այդ ճշմարտության համար և ընդունել դա՝ որպես մեծագույն պատիվ: Յուրաքանչյուրն այդպես պետք է մտածի: Սուտը խաչված է ինձ համար և ես էլ՝ ստի համար: Ճշմարտությունն է իմ խաչը, և ես ապրելու եմ այդ ճշմարտության համար: Սա պետք է լինի մեր գիտակցության, մեր քայլերի, շարժումների, մեր պայքարի բովանակությունը: Դրանից դուրս ոչ մի բան չի կարող լինել, որովհետև դրանից դուրս ամեն բան ձախողված է:

Ճշմարտությունը կորսվում է այդ աղմուկի, հեղեղի մեջ,այդ խաբեությունների ու մոլորությունների մեջ, այդ պատրանքային թվացող գեղեցիկ պատկերների մեջ, որոնք այս կամ այն ձևով կարող են գրավիչ լինել և իրենց շոշափելիությամբ , մատուցվան ձևով կարող  են դառնալ քաղցր, սպանող թույնը, որ շատ հաճախ հաճույք է պատճառում»,- իր պատգամ-խոսքում նշում է Տավուշի թեմի առաջնորդ Բագրատ արքեպիսկոպոս Գալստանյանը։