Իրանն ԱՄՆ-ին զգուշացրել է Իսրայելի ուղղությամբ նախապատրաստվող հարվածի մասին. ԱԳՆ

Իրանը դիվանագիտական խողովակներով ԱՄՆ-ին զգուշացրել է Իսրայելի ուղղությամբ նախապատրաստվող հարվածի մասին: Այս մասին հայտարարել է Իսլամական Հանրապետության արտաքին գործերի նախարար Հոսեյն Ամիր Աբդոլլահյանը, փոխանցում է ТАСС-ը։

«Մենք հստակ և բացահայտ ասել ենք ամերիկացիներին, որ Իսրայելի ռեժիմին պատասխանելու որոշում ենք կայացրել, որն ընդունվել է Ազգային անվտանգության բարձրագույն խորհրդում՝ նախագահի ղեկավարությամբ, և այն վերջնական է», - ասել է նախարարը:

«Ճշմարիտ խոստում» գործողությունից հետո իրանական կողմը գիշերվա 2:30-ին դիվանագիտական խողովակներով ևս մեկ ուղերձ է հղել ԱՄՆ–ին` նշելով, որ Թեհրանը տարածաշրջանում լարվածության սրացում չի ուզում։