Ֆրանսիայի դեսպանը կանչվել է ՌԴ ԱԳՆ

ՌԴ-ում Ֆրանսիայի դեսպան Պիեռ Լևին կանչվել է ՌԴ ԱԳՆ, որտեղ նրան մատնանշել են, որ Ֆրանսիայի ԱԳ նախարար Ստեֆան Սեժուրնեի հայտարարությունները Փարիզի՝ Ռուսաստանի ղեկավարության հետ երկխոսության հանդեպ անհետաքրքրության մասին, թե իբր նա կեղծ հայտարարություններ է հրապարակում, անընդունելի է։ Այդ մասին հայտնում է  ՌԴ ԱԳՆ-ն։

«Ապրիլի 12-ին Ռուսաստանի Դաշնությունում Ֆրանսիայի Հանրապետության արտակարգ և լիազոր դեսպան Պ. Լևին կանչվել է ՌԴ ԱԳՆ»,-ասվում է ԱԳՆ կայքում։

Նշվում է, որ Ֆրանսիայի ԱԳ նախարար Ստեֆան Սեժուրնեի՝ «ռուս պաշտոնյաների հետ երկխոսության ֆրանսիական կողմի շահագրգռվածության պակասի մասին հայտարարությունների ֆոնին, որը նա հիմնավորել է նրանով, որ ռուս պաշտոնյաների հրապարակած հայտարարություններում իբր կեղծ տեղեկություններ են պարունակում», ՌԴ ԱԳՆ-ում անընդունելի և  իրականության հետ կապ չունեցող են համարել ։

«Ֆրանսիայի ԱԳՆ ղեկավարի այս հայտարարությունները մենք դիտարկում ենք որպես ֆրանսիական կողմի գիտակցված և մտածված գործողություն, որն ուղղված է երկու երկրների միջև ցանկացած երկխոսության հնարավորությունը խաթարելուն»,-ընդգծել է ՌԴ ԱԳՆ-ն։