Անձնական վրեժ․ Ավետիք Իշխանյան

Իրավապաշտպան Ավետիք Իշխանյանը գրում է․

«Հատուկ պատվերով բեմադրված` սարսափազդու, դիմակավորված ոստիկանները «ասֆալտին փռեցին» Նարեկ Սամսոնյանին և ձեռքերը ոլորելով ձերբակալեցին նաև Վազգեն Սաղաթելյանին։

Շատերը տարակուսում են, թե ընդամենը ԲՏ ասելու համար, ինչ կարիք կա քրեական գործ հարուցելու և ձերբակալելու համար։ Լավ, միթե՞ այսքան ժամանակ պարզ չեղավ, որ պետական ողջ ռեսուրսները, կառույցները, վարչապետ կոչեցյալը համարում է իր ընտանեկանը։ Երբ խոսում է պետական պատվերով շինարարության մասին, ասում է այսքան փող հատկացրեցինք։ Նույն պետական բյուջեի հաշվին ընտանիքով մեկնում է արտասահման։

Նույն վերաբերմունքն է իրավապահ համակարգի նկատմամբ, այն է՝ իր ընտանիքին սպասարկող կառույցներ:Եվ ահա, օգտագործելով այդ ոստիկանություն-քննչական մարմիններ-դատախազություն-դատարան շղթան, վարչապետ կոչեցյալն անձնական վրեժ է լուծում»։