Ռումինիայի նախագահը մտադիր է առաջադրվել ՆԱՏՕ-ի գլխավոր քարտուղարի պաշտոնում

Ռումինիայի նախագահ Կլաուս Յոհաննեսը հայտարարել է, որ որոշել է դառնալ ՆԱՏՕ-ի գլխավոր քարտուղարի պաշտոնի թեկնածու:

«Ես որոշել եմ մասնակցել ՆԱՏՕ-ի գլխավոր քարտուղարի պաշտոնի մրցույթին։ Ես իմ թեկնածությունն առաջադրում եմ Ռումինիայի անունից ամենայն պատասխանատվությամբ, այդ որոշումն ընդունվել է իմ փորձի հիման վրա, որը ձեռք եմ բերել որպես Ռումինիայի նախագահ երկու մանդատներով, այն խնդիրների խորը ըմբռնումով, որոնց բախվում է ՆԱՏՕ -ն, Եվրոպան եւ մեր տարածաշրջանը», - հայտարարել է Յոհանիսը ճեպազրույցի ժամանակ։

Նրա խոսքով՝ ՆԱՏՕ-ն պետք է թարմացնի իր առաքելության մասին տեսակետը։ Մասնավորապես, Յոհաննեսն ուշադրություն է հրավիրել այն հանգամանքի վրա, որ Արեւելյան Եվրոպան արժեքավոր ներդրում ունի ՆԱՏՕ-ի շրջանակներում ընդունվող քննարկումներում եւ որոշումներում, ուստի այդ տարածաշրջանը պետք է ներկայացված լինի դաշինքի ղեկավարությունում:

Նա հավելել է, որ Ռումինիան չէր կարողանա տնտեսապես զարգանալ, չէր գրավի կապիտալ և ներդրողների, եթե չլինեին ազգային անվտանգության ամուր երաշխիքներ: Եվ այդ երաշխիքներն ուղղակիորեն կապված են երկրի ռազմական արդիականացման, ինչպես նաև Հյուսիսատլանտյան դաշինքին նրա անդամակցության հետ, նշել Է նախագահը։