Գայի պողոտայում երթևեկության կազմակերպման փոփոխություններ կլինեն

Դեկտեմբերի 15-ից Երևանի Գայի պողոտա-Հովհաննիսյան փողոց և Գայի պողոտա-Քոչարյան փողոց խաչմերուկներում կկատարվի երթևեկության կազմակերպման փոփոխություն։ Այս մասին հայտնում է Երևանի քաղաքապետարանը։

Մասնավորապես` Գայի պողոտա-Քոչարյան փողոց խաչմերուկում՝ Գայի պողոտա-Հովհաննիսյան փողոց խաչմերուկից եկող ուղղությամբ, կավելանա ևս մեկ երթևեկելի գոտի՝ «միայն ձախ»:

Իսկ Գայի պողոտա-Հովհաննիսյան փողոց խաչմերուկում՝ Գայի պողոտա-Քոչարյան փողոց խաչմերուկից եկող ուղղությամբ, կարգելվի ձախ շրջադարձը դեպի Բաղյան փողոց։ Երրորդ երթևեկելի գոտուց կթույլատրվի երթևեկությունը «միայն ուղիղ»:

Միաժամանակ, Գայի պողոտայի ամբողջ երկայնքով ճանապարհային նշաններն ու գծանշումները կհամապատասխանեցվեն ընդհանուր օգտագործման տրանսպորտային միջոցների համար նախատեսված գոտու համար սահմանվածին:

Նշվում է, որ փոփոխությունները արվում են մայրաքաղաքում տրանսպորտային հոսքերի անցանելիությունն ավելացնելու նպատակով։