Գազայի հատվածում հրադադարը կարճատև է լինելու․ Իսրայելի պաշտպանության նախարար

Գազայի հատվածում առաջիկա հրադադարը կարճատև է լինելու, դրանից հետո ռազմական գործողությունները շարունակվելու են։ Այս մասին, ինչպես գրում է РИА Новости-ին, հայտարարել է Իսրայելի պաշտպանության նախարար Յոավ Գալանտը։

«Դա կլինի կարճատև դադար, որից հետո ինտենսիվ ռազմական գործողությունները կշարունակվեն, և ճնշում կգործադրվի ավելի շատ առևանգվածների վերադարձնելու համար: Դեռ առնվազն երկու ամիս մարտեր են սպասվում», - ասել է Գալանտը ռազմաբազաներից մեկում։

Հիշեցնենք, որ Իսրայելի կառավարությունը և պաղեստինյան ՀԱՄԱՍ արմատական շարժումը համաձայնության էին չորսօրյա հրադադարի հաստատման շուրջ, որի ընթացքում պետք է իրականացվի ՀԱՄԱՍ-ի կողմից պահվող պատանդների և Իսրայելի կողմից ձերբակալված պաղեստինցիների փոխանակում։ 

Ավելի վաղ Կատարի ԱԳՆ-ն հայտնել էր, որ Գազայի հատվածում հրադադարը կհաստատվի նոյեմբերի 24-ին` ժամը 7:00-ին (Երևանի ժամանակով 9:00-ին)։