ԱՄՆ-ը կփակի հյուպատոսությունը թուրքական քաղաքում, որտեղ տեղակայված է ամերիկյան ռազմաօդային բազան

Բողոքի ցույցերը սկսվելուն պես Ադանայում ԱՄՆ հյուպատոսությունը փակ կլինի այցելության  համար, հայտնել է Թուրքիայում ԱՄՆ դեսպանությունը։

«Առաջիկա մի քանի շաբաթվա ընթացքում մեծ ցույցեր են սպասվում՝ կապված Իսրայելի և Գազայի հատվածի իրադարձությունների հետ։ Ցանկացած հավաք կարող է վերածվել բռնության։ Ծրագրված հանդիպումներ ունեցող   ԱՄՆ քաղաքացիներին կսպասարի Անկարայում ԱՄՆ դեսպանությունը, եթե չհայտարարվի դրա փակման մասին», - ասվում է հայտարարության մեջ:

Նշենք, որ Ինջիրլիք ամերիկյան ռազմական ավիաբազան գտնվում է Ադանայում։

Հիշեցնենք, որ գիշերը Թուրքիայի մի քանի քաղաքներում բողոքի ցույցեր են տեղի ունեցել՝ կապված Մերձավոր Արևելքում տիրող իրավիճակի հետ։

Ադանայում ցուցարարները քարեր և մոլոտովի կոկտեյլներ են նետել ԱՄՆ հյուպատոսության շենքի վրա։