ԼՂ-ում ռազմական գործողությունների ընթացքում ռուս խաղաղապահները մոտ 5 հազար մարդու են տարհանել

Լեռնային Ղարաբաղում սեպտեմբերի 19-ին Ադրբեջանի սանձազերծած ակտիվ ռազմական գործողությունների ընթացքում  ռուս խաղաղապահները մոտ 5 հազար խաղաղ բնակչի են տարհանել Մարտակերտի, Մարտունու և Ասկերանի շրջաններից։

Հաղորդագրության համաձայն՝ ռազմական գործողությունների սկզբից սկսած ռուս խաղաղապահ զորակազմի տեղակայման վայր է տեղափոխվել  մոտ 5 հազար մարդ։ Բոլոր տարհանված բնակիչներին տրամադրվել են սաք սնունդ և հանգստյան սենյակ, ռուսական հատուկ նշանակության բժշկական ջոկատի զինվորական բժիշկները որակյալ բուժօգնություն են ցուցաբերում քաղաքացիական անձանց։

Ըստ տեղեկագրի՝ շարունակական փոխգործակցություն է պահպանվում Բաքվի, Երևանի և Ստեփանակերտի հետ՝ ուղղված արյունահեղության կանխմանը, խաղաղ բնակչության անվտանգության և մարդասիրական իրավունքի պահպանմանը, ինչպես նաև ռուսական խաղաղապահ կոնտինգենտի անվտանգության ապահովմանը։