Տոն, որ գողացվել է և պետք է վերադարձվի․ Անդրանիկ Թևանյան

Հայաստանի Հանրապետությունը Ղարաբաղյան շարժման ծնունդ է: Արցախի Հանրապետության պաշտպանությունը Հայաստանի առաքելությունն է:

Եթե ուրացվում է Ղարաբաղյան շարժման գաղափարը, եթե Արցախը ճանաչվում է Ադրբեջանի մաս, եթե Հայաստանը հրաժարվում է Արցախը պաշտպանելու իր հանձնառությունից, ապա վերանում է մեր երկրի առաքելությունն ու գոյության իմաստը:

Այսօր Արցախի անկախության օրն է, բայց տրամադրությունը տոնական չէ: Մենք հիմա արցախահայության կյանքի իրավունքի համար ենք պայքարում՝ վատ ու վատագույն սցենարների արանքում:

Արցախը պաշարված է, բայց դիմանում է՝ լքված լինելով ՀՀ օրվա իշխանության կողմից: 88-ի շարժման գաղափարներին ու մեր երկրի առաքելությանը տեր կանգնելը դառնում է թիվ մեկ խնդիրը: Մեր փրկությունը մեր ձեռքերում է:

Հ.Գ.: Այսօրվա հանրահավաքն Ազատության հրապարակում 88-ի գաղափարներին տեր կանգնելու ուղերձ ունի իր մեջ:

Անդրանիկ Թևանյան

«Մայր Հայաստան» դաշինքի առաջնորդ