Լիզբոնի գործողության պատգամն էր՝ նվիրվածություն, պայքար, որն արդիական է նաև այսօր

Այսօր` հուլիսի 27-ին լրանում է Լիսաբոնյան գործողության (Լիսբոն 5) 40-ամյակը: Սուրբ Աննա Եկեղեցում մատուցվեց պատարագ՝ ի հիշատակ Լիզբոնի գործողության նահատակների: Ժամը 19:00-ին Պատանի Հանդիսատեսի թատրոնում տեղի կունենա միջոցառում նվիրված «Լիզբոն 5» տղաների հիշատակին։

40 տարի առաջ` 1983 թվականին, հուլիսի 27-ին Պորտուգալիայի Լիսաբոն քաղաքում Հայ Յեղափոխական բանակի հինգ հայ նվիրյալ երիտասարդներ`  Վաչե Տաղլյանը, Սեդրակ Աճեմյանը, Սիմոնի Յահինյանը, Արա Քրջլյանը և Սարգիս Աբրահամյան,  մուտք են  գործել թուրքական դեսպանատուն և հայտարարություն տարածելուց հետո պայթեցրել շենքը՝ նպատակ ունենալով իրենց արդար բողոքի ձայնը բարձրացնել և աշխարհի ուշադրությունը սևեռել Հայ Դատի վրա: