Արցախի ՄԻՊ-ը Շուշիի ֆորումը լուսաբանող լրատվամիջոցներին կոչ է անում չդառնալ Ադրբեջանի գործիքն ու լուսաբանել Արցախյան ճգնաժամը

Արցախի մարդու իրավունքների պաշտպան Գեղամ Ստեփանյանը, Շուշիում՝ Ադրբեջանի կողմից անցկացվող միջազգային ֆորումը լուսաբանող միջազգային լրատվամիջոցների ներկայացուցիչներին հրավիրել է Ստեփանակերտ՝ անձամբ ականատես լինելու և լուսաբանելու Արցախում առկա ծայրահեղ ճգնաժամային իրավիճակը։

Նա տեսանյութ է հրապարակել Արցախը Հայաստանի Հանրապետությանը կապող Բերձորի միջանցքից՝ հայտնելով, որ տեղում հավաքված հայկական լրատվամիջոցների ներկայացուցիչները նրանց կոչ են անում գալ նաև առավելագույնը 5 կմ հեռավորության վրա գտնվող միջանցքի տարածք, անձամբ ականատես լինել իրավիճակին։

«Ստեփանակերտ-Շուշի ճանապարհի լրագրողների համայնքն իր բողոքի ձայնն ուղղեց Շուշիի գլոբալ մեդիա ֆորումի մասնակիցներին՝ պահանջելով իրենց գործընկերներից գործիք չդառնալ Ադրբեջանական բռնապետության ձեռքին և լուսաբանել Արցախում հումանիտար ճգնաժամը»,- տեսանյութին կից գրել է նա։

Մանրամասները՝ տեսանյութում։