Ուկրաինան պատրաստ է հակահարձակման․ Զելենսկի

Ուկրաինայի նախագահ Վլադիմիր Զելենսկին կարծում է, որ աշխարհում միակ սպառազինությունը, որը կարող է պաշտպանություն ապահովել ռուսական հրթիռներից, ամերիկյան Patriot զենիթահրթիռային համալիրներն են, եւ Ուկրաինան 50 նման համակարգի կարիք ունի։ Այս մասին է վկայում Wall Street Journal պարբերականի հարցազրույցը, տեղեկացրել է «ՌԻԱ Նովոստի»-ն։

Թերթը լրիվ չի ներկայացրել Զելենսկու ասածը, նրա խոսքերից շատ բան ներկայացվել է լրագրողուհու անունից։ «Զելենսկին ինձ ասել է, որ բավականաչափ կրակային հզորություն չունի, որպեսզի պաշտպանի ամբողջ երկիրը»,- գրել է լրագրողուհին՝ նշելով, որ զրուցակիցն ընդունել է, որ ստիպված է ընտրություն կատարել, թե որտեղ օգտագործի մատակարարվող սպառազինությունները՝ թիկունքո՞ւմ, թե՞ առաջնագծում։

Զելենսկին ընդգծել է նաեւ, որ Կիեւը կցանկանար ավելի շատ արեւմտյան զենք ստանալ հակահարձակման համար, ինքը չի կարող «ամիսներով» սպասել։ Նրա կարծիքով՝ այսօրվա դրությամբ Ուկրաինան պատրաստ է հակահարձակման։