Ղազախստանը հրաժարվում է մայիսի 9-ին զորահանդես անցկացնել Հաղթանակի օրվա կապակցությամբ

Ղազախստանն այս տարի չի նախատեսում զորահանդես անցկացնել, կառավարությունը առաջնահերթություն է տվել այլ խնդիրների լուծմանը: «ՌԻԱ նովոստի»-ին հայտնել են հանրապետության պաշտպանության նախարարության մամուլի ծառայությունում։

«2023 թվականին Ղազախստանում զորահանդեսի անցկացումը չի նախատեսվում բյուջեի խնայողության, ինչպես նաև այլ խնդիրների լուծման անհրաժեշտության պատճառով, մասնավորապես՝ Ղազախստանի զինված ուժերի ստորաբաժանումների մարտունակության և շարժունակության անհրաժեշտ մակարդակի պահպանմամբ»,-նշել են նախարարությունից։

Մամուլի ծառայությունն ընդգծել է, որ ՊՆ-ն «աշխատում է Հայրենական մեծ պատերազմում զոհված ղազախ զինվորների հիշատակը հավերժացնելու ուղղությամբ» և ռազմահայրենասիրական այլ միջոցառումներ է անցկացնում։

Վերջին անգամ հանրապետությունում շքերթն անցկացվել է 2019թ. 2020-2021 թվականներին այն չեղարկվել է կորոնավիրուսի հետ կապված իրավիճակի պատճառով՝ բյուջետային միջոցները խնայելու նպատակով։