Հյուսիսային Կորեայում կանանց կոչ են արել ավելի շատ երեխաներ ունենալ՝ երկրի ռազմական հզորությունը բարձրացնելու համար

Հյուսիսկորեացի պաշտոնյաները՝ շնորհավորելով երկրի բնակչուհիներին մարտի 8-ի կապակցությամբ, կանանց կոչ են արել մեծացնել ծնելիությունը՝ որպես «մեծագույն հայրենասիրության» ակտ, որպեսզի օգնեն երկրին ավելացնել զինվորականների թիվը, հաղորդում է UCA News-ը։ 

«Անցած շաբաթ Ազգային բանակին ակտիվ աջակցության մասին դասախոսություն է անցկացվել, որում ասվում է, որ շատ երեխաներ ունենալը եւ նրանց ազգային բանակ ուղարկելը մեծագույն հայրենասիրություն է»,-ասվում է հաղորդագրության մեջ։  

Նշվում է, որ դասախոսությունն անցկացվել է կանանց միջազգային օրվա տոնակատարության շրջանակներում: 

Հյուսիսային Կորեայի մեկ այլ նահանգի՝ Ռյանգանգի աղբյուրը նշել է, որ դասախոսները որպես օրինակ են ներկայացրել որոշ հայրենասերների, որոնք իրենց 7 կամ 8 երեխաներին բանակ են ուղարկել։ 

Բացի այդ, ԿԺԴՀ-ի բնակչուհիներին հիշեցրել են Նամգան գյուղի կանանց սխրանքի մասին, որոնք Կորեական պատերազմի ժամանակ հյուսիսկորեացի զինվորների կողմից սնունդ եւ զինամթերք էին մատակարարում: