կարևոր
6337 դիտում, 1 տարի առաջ - 2023-03-07 20:40
Արցախ Քաղաքական

Չի լինելու որեւէ եվրոպական երկիր, որը խոսի Ղարաբաղն Ադրբեջանի կազմում լինելու մասին. Սերժ Սարգսյան

Չի լինելու որեւէ եվրոպական երկիր, որը խոսի Ղարաբաղն Ադրբեջանի կազմում լինելու մասին. Սերժ Սարգսյան

Շատ պարզ բան է տեղի ունեցել. Գերմանիայի կանցլերը գերմանական ճշտապահությամբ է խնդրին մոտեցել: Այս մասին այսօր՝ մարտի 7-ին, լրագրողների հետ զրուցյում նշեց ՀՀ երրորդ նախագահ Սերժ Սարգսյանը՝ անդրադառնալով նրան, որ Բեռլինում Գերմանիայի Կանցլեր Շոլցը հայտարարեց, որ ԼՂ հարցը պետք է լուծվի նաեւ ազգերի ինքնորոշման սկզբունքի հիման վրա:

«Եթե հիշում եք, մենք 2017-ին ԵՄ-ի հետ ստորագրեցինք Համապարփակ եւ ընդլայնված  համագործակցության համաձայնագիրը, որը վավերացվեց ԵՄ անդամ բոլոր երկրների կողմից: Գերմանիայի կանցլերը այլ բան չէր կարող ասել, որովհետեւ իր երկրի խորհրդարանը  հաստատել էր այդ համաձայնագիրը, որտեղ բառացիորեն Ղարաբաղին վերաբերող հատվածը Մինսկի խմբի առաջարկներն էին: Նա այլ բան չէր կարոող ասել:

Այլ բան, որ գլխավոր բանակցողը խուսափում է, փախչում է ինքնորոշում բառից, ինչպես սատանան խունկից: Դրա համար ինքը որեւէ արձագանք չտվեց:

Ես կանխատեսում են, որ չի լինելու որեւէ եվրոպական երկիր, որը խոսի Ղարաբաղն Ադրբեջանի կազմում լինելու մասին: Որովհետեւ ինքը կհակասի իր խորհրդարանի կողմից վավերացված համաձայնագրի դրույթներին»,-հայտարարեց Սերժ Սարգսյանը: