Ռուսաստանի և Ուկրաինայի օմբուդսմենները հանդիպման ընթացքում քննարկել են մարդասիրական օգնության հարցերը

Հանդիպում է կայացել Ռուսաստանում և Ուկրաինայում մարդու իրավունքների հարցերով հանձնակատարներ Տատյանա Մոսկալկովան և Դմիտրի Լուբինեցի միջև։ Այս մասին Մոսկալկովան հայտնել է իր Telegram-ալիքում։

«Այսօր տեղի է ունեցել նախապես ծրագրված հանդիպում Ուկրաինայի օմբուդսմեն Դ. Լուբինեցի հետ։ Քննարկել ենք երկու երկրների քաղաքացիներին մարդասիրական օգնություն տրամադրելու հարցեր», - գրել է նա։

ТАСС գործակալությունը նշում է, որ Մոսկալկովայի և Լուբինեցի հանդիպումը պետք է տեղի ունենար Անկարայում, որտեղ Մոսկալկովան պետք է մասնակցեր «Մարդու իրավունքների ապագան 21-րդ դարում» ֆորումին։ 

Հունվարի սկզբին Լուբինեցը հայտնել էր, որ մտադիր է Մոսկալկովայի հետ քննարկել այն քաղաքացիական անձանց փոխանակման հարցը, որոնց նկատմամբ քրեական հետապնդում է իրականացվել։

Մոսկալկովան իր հերթին անցյալ տարվա դեկտեմբերին հայտնել էր, որ Ռուսաստանի Դաշնությունն ու Ուկրաինան բանակցում են քրեական գործով անցնող քաղաքացիական անձանց փոխանակման հնարավորության շուրջ։