25 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
Ռուսաստանն ու Հնդկաստանը փոխադարձ առևտրում անցնում են ազգային արժույթների, հայտարարել Է ՌԴ ԱԳՆ-ի երկրորդ վարչության տնօրեն Զամիր Քաբուլովը։ Այս մասին տեղեկացնում Է «РИА Новости» գործակալությանը։
«Մենք սկզբունքորեն հրաժարվում ենք դոլարից ու եվրոյից, պետք է անցնել ազգային արժույթների»,- նշել է դիվանագետը։ Նա հավելել է, որ լիարժեք անցման համար հարկավոր Է լուծել առևտրային գործառնություններում պահպանվող դիսբալանսի հարցը:
«Հնդկաստանն առայժմ մեզնից ավելի քան հինգ անգամ ավելի շատ գնում Է, քան վաճառում: Մասնագետներն աշխատում են այդ ուղղությամբ՝ փնտրելով ողջամիտ փոխզիջում»,- եզրափակել Է Քաբուլովը:
Նոյեմբերի սկզբին Հնդկաստանի կառավարությունը թույլատրել Է ազգային արժույթն օգտագործել միջազգային առևտրային հաշվարկներում։ Անցյալ շաբաթ Հնդկաստանի արտահանող կազմակերպությունների դաշնության գլխավոր տնօրեն Աջայ Սահայը հայտարարել Է, որ այս տարի Ռուսաստանի հետ հաշվարկներում երկիրը կսկսի ռուփի օգտագործել: Indian Express հրատարակության տվյալներով՝ Հնդկաստանը մտադիր է կրկնապատկել Ռուսաստանի հետ առևտրի ծավալները՝ օգտագործելով, մասնավորապես, ազգային արժույթը։