ԱՄՆ-ը ողջունում է Ալիև-Փաշինյան առաջիկա հանդիպումը

Վաշինգտոնը ողջունում է Ադրբեջանի և Հայաստանի միջև երկխոսությունը. ասել է ԱՄՆ պետդեպարտամենտի խոսնակ Նեդ Փրայսը` պատասխանելով ադրբեջանական Turan-ի հարցին Բրյուսելում Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի առաջիկա հանդիպման վերաբերյալ։

«Մենք խստորեն կոչ ենք անում շարունակել այս երկխոսությունը և ակտիվացնել դիվանագիտական շփումները կողմերի միջև՝ ուղղակի փոխգործակցության համար առկա մեխանիզմներն օգտագործելու և ղարաբաղյան հակամարտության հետ կապված բոլոր առկա խնդիրների համապարփակ լուծումներ գտնելու համար, և կարգավորել հարաբերությունները համապարփակ խաղաղության համաձայնագրի ստորագրմամբ», - ասել է Փրայսը ուրբաթ ճեպազրույցի ժամանակ:

«Մենք պատրաստ ենք օգնել Հայաստանին և Ադրբեջանին այս ջանքերում…»,- հավելել է նա։