Եթե միջուկային զենք կիրառեն, մենք կթռչենք հայտնի չէ՝ ուր

Բելառուսի նախագահ Ալեքսանդր Լուկաշենկոն պատասխանել է Ռուսաստանի կողմից միջուկային զենքի կիրառման սպառնալիքի մասին հարցին։

Նա իր կարծիքն է հայտնել Associated Press-ին տված հարցազրույցում՝ պատասխանելով հարցին, թե Ռուսաստանի Դաշնությունը կարո՞ղ է դա անել, եթե Ուկրաինայում պատերազմը ձգձգվի։

«Ես բացարձակապես հավատում եմ, որ միջուկային զենքի կիրառումն անընդունելի է, նաև այն պատճառով, որ այն մեր կողքին է: Միջուկային զենքի կիրառումն անընդունելի է. մեր երկրագունդը կշեղվի ուղեծրից, և մենք կթռչենք հայտնի չէ, թե ուր: Կարո՞ղ է Ռուսաստանը, թե՞ ոչ, այս հարցը պետք է ուղղեք Ռուսաստանի ղեկավարությանը»,- ասել է Լուկաշենկոն։