Թուրքիան մեղադրել է ԱՄՆ-ին, որ Հնդկաստանի նկատմամբ պատժամիջոցներ չեն կիրառվել Ս-400 գնելու համար

Թուրքիայի ազգային պաշտպանության նախարար Հուլուսի Աքարը երկուշաբթի մեղադրել է ԱՄՆ-ին Անկարայի և Նյու Դելիի նկատմամբ տարբեր քաղաքականություն վարելու մեջ Ռուսաստանի Դաշնությունից Ս-400 զենիթահրթիռային համակարգերի  ձեռք բերման հարցում։

«Միացյալ Նահանգները տարբեր քաղաքականություն է վարում Թուրքիայի և Հնդկաստանի նկատմամբ՝ կապված Ռուսաստանից Ս-400 համակարգերի գնման հետ։  Ամեն ինչ ավելի հեշտ կլինի, եթե ԱՄՆ-ը տեսնի Թուրքիայի իրական բարեկամությունը, ուժն ու դաշինքը»,- ասել է նա Hurriyet թերթին տված հարցազրույցում։

Պարբերականը պնդում է, որ ԱՄՆ-ը «պատրաստ է բացառություն անել Հնդկաստանի համար» և չդիմել այնպիսի պատժամիջոցների, որոնք կիրառվել են Թուրքիայի դեմ՝ կապված Ս-400 համակարգերի ձեռք բերման հետ։

Նշենք, որ, ի տարբերություն Թուրքիայի, Հնդկաստանը միջուկային գերտերություն է և ՆԱՏՕ-ում ԱՄՆ-ի դաշնակիցը չէ: