Թուրքիան ավարտել է քրդերի դեմ «հատուկ գործողության» առաջին փուլը

Իրաքի հյուսիսում գործողության ընթացքում չեզոքացվել է Թուրքիայում արգելված Քուրդիստանի աշխատավորական կուսակցության 30 զինյալ. հայտնել է Թուրքիայի պաշտպանության նախարարությունը։

Գերատեսչությունում պարզաբանել են, որ բուն հատուկ գործողությունը կշարունակվի «մինչև սահմանային սպառնալիքի վերացումը»։ Միաժամանակ, Անկարան վստահեցնում է, որ դրա արդյունքում Իրաքի տարածքային ամբողջականությունը չի խախտվի։

Թուրքիան ապրիլի 18-ին հատուկ գործողություն է սկսել քրդական զինված ուժերի դեմ Իրաքի հյուսիսում։ Թուրքական հետախուզության տվյալներով՝ քրդերը ծրագրում էին լայնածավալ հարձակում երկրի տարածքի վրա։

Բաղդադը բողոքել է Անկարայի՝ երկրի ինքնիշխանությանն ուղղված գործողությունների դեմ, սակայն միջազգային դատապարտում չի եղել։