ԱՄՆ-ը սպառնում է Չինաստանին լայնածավալ պատժամիջոցներով և արտահանման վերահսկողությամբ

Վաշինգտոնը նշաններ է տեսել, որ Չինաստանի ժողովրդական ազատագրական բանակը աջակցում է Ռուսաստանի Դաշնության զինված ուժերին․ հայտարարել է ԱՄՆ պետքարտուղարի տեղակալ Վենդի Շերմանը։

Նրա խոսքով՝ այդ կապակցությամբ ԱՄՆ նախագահ Բայդենն ուղիղ զրուցել է Սի Ցզինպինի հետ, Ջեյք Սալիվանը՝ Յան Ցզեչիի հետ, իսկ Բլինքենը՝ արտգործնախարար Վան Իի հետ։

«Ես ինքս խոսել եմ մի չինացի պաշտոնյայի հետ: Մենք ուղղակիորեն ասացինք, որ նրանք տեսան, թե ինչ ենք արել պատժամիջոցների, Ռուսաստանի դեմ արտահանման վերահսկողության առումով, սա պետք է նրանց պատկերացում տա, թե ինչ կարող ենք անել, եթե Չինաստանն իսկապես նյութական աջակցություն ցուցաբերի Ռուսաստանին։ Չինաստանն արդեն անում է այնպիսի բաներ, որոնք չեն բարելավում իրավիճակը: Պեկինը ձգտում է խաթարել հենց այն համակարգը, որից շահել է»,- ասել է Շերմանը: