Հունաստանը մերժել է Ուկրաինային զենք տրամադրելու՝ ԱՄՆ-ի խնդրանքը

Հունաստանի պաշտպանության նախարար Նիկոս Պանայիոտոպուլոսն անուղղակի, բայց բացասական պատասխան է տվել ԱՄՆ պետքարտուղարի տեղակալ Վիկտորյա Նուլանդի խնդրանքին, որ Հունաստանը Ուկրաինային լրացուցիչ սպառազինության համակարգեր տրամադրի. հայտնում է Ekathimerini-ն։

Պանայոտոպուլոսն ընդգծել է, որ Հունաստանը չի կարող նվազեցնել իր սեփական պաշտպանունակությունը։

Ամերիկացիների խնդրանքը հնչել է Հունաստանի պաշտպանության նախարարությունում կայացած հանդիպման ժամանակ։

Մարտի 17-ին Ekathimerini-ն հայտնել էր, որ հույները հրաժարվել են Ուկրաինային տրամադրել խորհրդային համակարգեր, այդ թվում՝ Tor-M1 և Оса-АК զենիթահրթիռային համակարգեր:

Աթենքը հետ է կանգնել այս քայլից ոչ միայն այն պատճառով, որ չէին ցանկանում խաթարել հունական բանակի պաշտպանական հնարավորությունները, այլ նաև գործնական խնդիրների պատճառով, ինչպիսին է հենց Ռուսաստանից Тор-М1-ի դեպքում արտոնագրման անհրաժեշտությունը:

Միաժամանակ հայտնի է դարձել, որ Աթենքը չպատրաստվում Ուկրաինա ուղարկել իր՝ ռուսական արտադրության С-300 զենիթահրթիռային համալիրները, որոնք գտնվում են Կրետեում։