Սերմնացուն 300 դրամ են դարձրել, Քերոբյան չի, «քերողյան» է. շիրակցի ֆերմեր

«Պարենային լուրջ խնդիր ունենք  ոչ միայն Շիրակի մարզուէ, այլև ողջ հանրապետությունում։ քանի որ աշնանացան դաշտերը քիչ են, սերմնացուն պետությունը չի սուբսիդավորում,  և քանի որ Էկոնոմիկայի նախարարը Շիրակի մարզում ասել էր, որ անարդյունավետ է  հող մշակելը, գյուղացիներին հորդորում էր գյուղատնտեսությամբ չզբաղվել։ Էսօր ԱԺ-ում ներկայացրինք, որ  պարարտանյութի սուբսիդավորման հետ կապված ծրագիր եք արել, դրա վրա  դրել եք սահմանափակում,  մարդկանց դրանով դրդում եք  հանցագործության։ Այսինքն՝  մինչև 3 հա սահմանափակում եք դրել, մարդիկ ստիպված հարևանի թղթով պետք է պարարտանյութ ձեռք բերեն»,- ԱԺ-ում հրավիրված քննարկման մասնակից շիրակցի ֆերմերը նման տեսակետ հնչեցրեց լրագրողների հետ ճեպազրույցի ժամանակ։