Պետդեպարտամենտը Ուկրաինա մեկնող ամերիկացիներին խորհուրդ է տվել կտակ գրել

ԱՄՆ պետդեպարտամենտը խորհուրդ է տվել ամերիկացիներին, որոնք կորոշեն մեկնել Ուկրաինա, կտակ ու հուղարկավորության ծրագիր կազմել։ Ըստ Gazeta.ru-ի՝ այս մասին ասվում է վարչության կայքում տեղադրված հաղորդագրության մեջ։

«Եթե դուք ներկայումս Ուկրաինայում չեք, բայց որոշել եք անտեսել ճամփորդական խորհուրդները և մեկնել Ուկրաինա, նախքան ճանապարհորդելը պետք է հաշվի առնեք հետևյալ քայլերը՝ կտակ կազմեք և նշեք համապատասխան ապահովագրության շահառուներին և/կամ վստահված անձանց: Քննարկեք մտերիմների հետ երեխաների, ընտանի կենդանիների, գույքի, իրերի, անօգտագործելի ակտիվների (հավաքածուներ, արվեստի գործեր և այլն) խնամքի/խնամակալության ծրագիրը, հուղարկավորության մաղթանքները»,- ասվում է հաղորդագրության մեջ։

Ուկրաինա մեկնող ճանապարհորդներին նաև խորհուրդ է տրվում թողնել կարևոր փաստաթղթեր և հարազատների տվյալներ, ինչպես նաև «ԴՆԹ-ի նմուշները ձեր բուժաշխատողին, եթե ձեր ընտանիքին անհրաժեշտ լինեն դրանք»: