ԱՄՆ-ն արտահանման սահմանափակումներ է սահմանել Ռուսաստանի հետ կապված 91 կազմակերպությունների և անհատների նկատմամբ

Ուկրաինայի շուրջն ստեղծված իրավիճակի պատճառով ԱՄՆ-ի առևտրի նախարարությունը ներմուծում է արտահանման վերահսկողության ավելի կոշտ ռեժիմ Ռուսաստանի հետ կապված 91 կազմակերպությունների և անհատների համար։ 

«ԱՄՆ կառավարությունը կարծում է, որ այդ կազմակերպությունների գործունեությունը հակասում է ԱՄՆ արտաքին քաղաքականության և ազգային անվտանգության շահերին։ ... (Նրանք) Մասնակցել են, նպաստել կամ այլ կերպ աջակցել Ռուսաստանի անվտանգության ծառայություններին, ռազմական և պաշտպանական ոլորտներին, ինչպես նաև ռազմական ու պաշտպանական հետազոտություններին ու զարգացմանը»,- հաղորդում է ՏԱՍՍ-ը:

Նշվում է, որ արտահանման սահմանափակումների ցուցակում ընդգրկված սուբյեկտների մեծ մասը՝ 81-ը, «գրանցված կամ տեղակայված են Ռուսաստանում»։