Ռուբլին աննախադեպ անկում է ապրել

Երկուշաբթի առավոտյան ռուբլին փլուզվել է մինչև պատմական նվազագույնը` կորցնելով իր արժեքի ավելի քան 30%-ը դոլարի և եվրոյի նկատմամբ:

Միջազգային առևտրի գագաթնակետին դոլարը վաճառվել է 117 ռուբլով, եվրոն՝ 132 ռուբլով. հայտնում է Bloomberg-ը։

Երկուշաբթի Մոսկվայի ֆոնդային բորսայում առևտուրը կբացվի Մոսկվայի ժամանակով ժամը 13:00-ից ոչ շուտ. ըստ Prime-ի՝ հայտնել են Ռուսաստանի Կենտրոնական բանկից։ 

«Ռուսաստանի բանկը կգնահատի այլ շուկաներում աճուրդի բացման հնարավորությունը՝ կախված իրավիճակի զարգացումից։ Աճուրդը բացելու կամ չբացելու մասին որոշումը Ռուսաստանի բանկը կհայտարարի Մոսկվայի ժամանակով ժամը 13:00-ին: Դրական որոշման դեպքում աճուրդը կբացվի Մոսկվայի ժամանակով 15:00-ին»,- ասվում է տարածված մեկնաբանության մեջ։