The Washington Post-ը հայտնել է Ռուսաստանի «խայծի» մասին, որը հայտարարել էր Ուկրաինայից ուժերը դուրս բերելու մասին

ԱՄՆ հետախուզությունը ստացել է ապացույցներ, որոնք վկայում են, որ Ռուսաստանի հայտարարած՝ զորքերի դուրսբերումն Ուկրաինայի սահմանից «խայծ» է, որը նախատեսված է ԱՄՆ-ին մոլորեցնելու համար. գրում է Washington Post-ը՝ հղում անելով անանուն պաշտոնյաների:

Ըստ թերթի զրուցակիցների՝ Ռուսաստանը շարունակում է ուժեր կուտակել սահմանին։

«Վաշինգտոնը ստացել է արժանահավատ հետախուզական տվյալներ այն մասին, որ Ռուսաստանի պնդումները (զորքերի դուրսբերման մասին) կարող են լինել ապատեղեկատվական արշավի մաս, որը նախատեսված է ԱՄՆ-ին մոլորեցնելու համար», - ասել է աղբյուրներից մեկը:

Թերթի ևս երկու զրուցակից հայտնել է լրացուցիչ հետախուզական տվյալների մասին, որոնք վկայում են Ռուսաստանի ենթադրյալ մտադրության մասին՝ քիմիական հարձակում կազմակերպել տեղի բնակիչների վրա և դրանում մեղադրել Ուկրաինային կամ ԱՄՆ-ին։