Իսրայելի նախագահը Անկարա մեկնելուց առաջ կայցելի Հունաստան և Կիպրոս` վստահեցնելու, որ Թուրքիա այցը չի վնասի հունական պետությունների հետ հարաբերություններին

Իսրայելի նախագահ Իցհակ Հերցոգը առաջիկա երկու շաբաթների ընթացքում կայցելի Հունաստան և Կիպրոսի Հանրապետություն՝ նախքան Թուրքիա մեկնելը՝ նախագահ Ռեջեփ Թայիփ Էրդողանի հետ բանակցությունների համար. երեքշաբթի գրել է Jerusalem Post-ը։

«Այս ուղևորությունները կոչված են հանգստացնել Աթենքին և Նիկոսիային, որ Անկարայի հետ մերձեցում չի լինի ի շահ վերջին տարիներին Իսրայելի հետ հաստատված սերտ կապերի», - ասվում է զեկույցում։

Հերցոգի այցը Աթենք նախատեսված է հաջորդ հինգշաբթի, իսկ Կիպրոս՝ հաջորդ շաբաթ։

Իսրայելն ավելի վաղ հայտարարել էր, որ. «Թուրքիայի հետ հարաբերությունների կարգավորումը չի լինի Հունաստանի և Կիպրոսի հետ Իսրայելի հարաբերությունների հաշվին», իսկ Թուրքիան պնդել է, որ  «Իսրայելի հետ Թուրքիայի կարգավորումը չի լինի պաղեստինյան հարցի հաշվին»: