Այսօր բանակի հզորացումը առաջնահերթություն է․ Հակոբ Տեր-Խաչատուրյան

«Երկրի հյուրասրահ»-ում է ՀՅԴ Բյուրոյի ներկայացուցիչ Հակոբ Տեր-Խաչատուրյանը։

Բյուրոյի ներկայացուցիչը խոսել է Փետրվարի 5-ին Երեւանում տեղի ունեցած Հայ Յեղափոխական Դաշնակցության 131-ամյակի հանդիսության հղած ազդակների մասին՝ նշելով, որ ՀՅԴ գործունեությունը այսօր ծավալվում է հիմնականում երեք ուղղություններով՝ Հայաստան-Արցախ, Հայ դատ եւ սփյուռք ու համահայկական հարցեր։

Հակոբ Տեր-Խաչատուրյանը առանձնացրել է հատկապես ՀՅԴ հայաստանյան գործունեությունը՝ պայմանավորված՝ 44-օրյա պատերազմի պատճառով ի հայտ եկած նոր մարտահրավերներով։ Նա մասնավորապես ընդգծել է սահմանազատման եւ սահմանագծման, Հայաստանի տարածքով Ադրբեջանին միջանցք տրամադրելու, ինչպես նաեւ հայ-թուրքական հարաբերությունների կարգավորման խնդրահարույց գործընթացները։

Բյուրոյի ներկայացուցիչը անդրադարձել է նաեւ Հայաստանում ՀՅԴ-ի ընդդիմադիր լինելու հանգամանքին, նշելով, որ չնայած դրան՝ Դաշնակցությունն այս պահին էլ ունի ավելի մեծ պարտավորություններ ու դերակատարություն։

Հակոբ Տեր-Խաչատուրյանը կարեւորել է Հայոց բանակի բարոյահոգեբանական վերականգնման եւ հզորացման անհրաժեշտությունը։

Մանրամասները՝ տեսանյութում