Սպիտակ տունը հաստատել է, որ ԱՄՆ-ը Եվրոպայում ռուսական գազի փոխարինող է փնտրում

Սպիտակ տունը բանակցություններ է վարում գազ արտահանողների հետ՝ Եվրոպային ռուսականին փոխարինող վառելիք մատակարարելու համար. ասել է Սպիտակ տան մամուլի քարտուղար Ջեն Փսակին, սակայն հրաժարվել է կոնկրետ երկրների անուններ տալուց։

«Մենք բանակցում ենք մի շարք երկրների և մատակարարների հետ»,- ըստ «ՌԻԱ Նովոստի»-ի՝ պատասխանել է Փսակին խնդրանքին՝ մեկնաբանել հաղորդագրությունները, թե Քաթարը կարող է փոխլրացնել գազի ծավալները Ռուսաստանից մատակարարումների նվազման դեպքում։ Սակայն նա հրաժարվել է մանրամասներ հայտնել։

Ավելի վաղ ԵՄ դիվանագիտության ղեկավար Ժոզեպ Բորելը հայտարարել էր, որ ԵՄ-ն հուսով է, որ ԱՄՆ-ը, Քաթարը և Ադրբեջանը կփոխհատուցեն գազի ծավալները Ռուսաստանից մատակարարումների նվազման դեպքում։